أول ما سكنا في حي الصحافة حسينا بوحشة، الحي كان شبه فارغ كنا وحدنا في النهج وبعد مدة سكنوا معانا جماعة ينشطو في رابطة حقوق الانسان بدينا انحسو بالامان بعدلي في راس الحي اتركزت كميونة أمن.
ومشات أعوام وجات أعوام وعمر الحي وكل ما يزيد يسكن واحد ناشط يزيد الامن والامان يعم على سكان الحي
وصلشي الامان لنهجنا كنت نسمع بيه سمعان وليت انقوم عقاب الليل عليه والصباح كيف انجي ماشية للخدمة انخليه في راس النهج اشكون كيفنا متأمنين واحنا راقدين واحنا خارج اديارنا
....أكالنهارعقاب الليل فوق السطح قاعدة نتمتع بشوية سكون وعيني اتجي على مجموعة لمحالة مجموعة ترعب في راس النهج .....قاعدة ساهرة على راحة المتساكنين
لحكاية وما فيها انو سي زياد يحب جيرانو وباش يتهنى على أمنهم في الليل وفي النهار لقى الحل في التعبير في مدونتو ...هو يعبر وهما يأمنو عليه وعلينا وقد ما يعبر يزيدونا في الأمن قلك ما يتهنى علينا الا ما يشوف الأمن مأمنّا في الكوجينة.
عندي الحق كيف انقول الي أنا اسعد مخلوقة في حي الصحافة عندي زهريكسر لحجر باش نتمتع بالامن في جرت جاري لعزيز زياد الهاني.
ملاحظة: السيدة سلوى العرفاوي هي زوجة الزميل جمال العرفاوي الصحفي بجريدة الصحافة
http://fouilleuse.over-blog.com/article-49862423-6.html#anchorComment
